點解成日覺得個廁所「爭緊啲嘢」？

好多人裝修嘥一大筆，最後衰在個龍頭滴水、個馬桶塞咗。買潔具，唔係淨係睇樣㗎！細節、手工、售後先最緊要。睇完呢份嘢，包你識點揀！

 

---------------------------------------------------------------------------------------------------------------------------------------------------------------------------------

水龍頭

閥芯係心臟：

  • 閥芯要大牌子！手感順、襟用、唔會漏水滴漏。劣質閥芯好快就滴水，啲水費就係咁樣流走㗎！
  • 一般水龍頭出事多數係閥芯漏水。

電鍍要靚:

  • 表面要滑溜如鏡，如見到有特別處理，咁就冇咁易花同留水漬。

「低鉛 / 無鉛」:

低鉛/無鉛 技術充分地降低了飲用水中的鎳含量，將水汙染的風險降低。

不論浴室/ 廁室穩陣起見，貴少少都要買個好，不竟洗面、沖涼、飲用 直接影響健康。

---------------------------------------------------------------------------------------------------------------------------------------------------------------------------------

座廁

沖水系統: 無框沖水 Rimless：冇死角容易清理，由於沒有邊緣細菌不易藏 在座廁中的周邊沖廁時能全方位洗座廁。

光滑釉面: 伸手摸下座廁管道裏面，滑嘟嘟嘅先係好釉面。自潔釉/微晶釉冇咁易黐屎黐尿，一沖就乾淨。問清楚係咪全管道施釉，成條排污管都上晒釉先至最順暢，冇咁易塞。

坑距: 如果係地水去（排污口向地下）定係牆排式（排污口向牆），都要一早搞清楚。牆排都有高/低之分。建議買前，度好呎影好埋相，購買時同鋪家查詢，以免買錯。

智能座廁: 電位及水壓： 舊樓水壓低？記住揀「低水壓啟動」型號！ 座廁旁1米內必須預留電掣位！智能廁板一定要揀有機電工程署相關既合格証明，防漏電最穩陣。功能點揀： 基本三樣嘢：「即熱式出水」、「座圈暖熱」、「婦洗/臀洗」 其他功能睇個人喜好啦！

---------------------------------------------------------------------------------------------------------------------------------------------------------------------------------

花灑

花灑主體

材質最重要：輕身、耐用、唔易爆。最好牌子野，好多雜嘜牌用一排就出事！

多種出水模式：例如雨淋式、按摩式、節水式等，可以按心情轉換。不過最基本嘅「大水量雨淋」模式一定要試清楚夠唔夠力。

出水技術

氣注入式：撞空氣入水度，啲水打落身又軟又服重可以慳到30%設計容易清潔。

節流器

部份花灑有機會，因為省水設計，限制出水量，導至熱水爐出水問題。而嚟樣野係要駁左先知既。所以買前問一問，鋪家花灑係咪有節流器，必要時拆除。

配件彈性

升降桿（Slider Bar）：要揀可以輕鬆調節高度嘅，屋企無論高矮肥瘦都用得舒服。鎖定之後要夠穩陣，唔好搖搖下。新換舊時對準縲絲孔。花灑喉（Shower Hose）：要夠長（通常1.5米以上就夠用），選有雙扣不銹鋼 (Anti Twist) 唔會摺埋或者容易打結，又襟用。

附加功能

多種出水模式：例如雨淋式、按摩式、節水式等，可以按心情轉換。不過最基本嘅「大水量雨淋」模式一定要試清楚夠唔夠力。恒溫功能（Thermostatic）：如果有小朋友或者老人家，恒溫花灑好有用！會自動鎖定水溫，唔會一時唔小心燙親，沖涼更安心。

中伏提示

而家一啲雜牌花灑好平、外觀整到好靚。但因為省成本，有機會好快就開始漏水，換起上嚟仲麻煩！至於功能，都係睇個人需要姐。

畢竟淋上身，沖得舒服啲，都係買返歐洲貨。

---------------------------------------------------------------------------------------------------------------------------------------------------------------------------------

洗手盆

檯上盆（又稱「台上盆」）

  • 點樣裝？ 個洗手盆完全坐落喺浴室櫃檯面之上，個盆邊係睇得到嘅。
  • 優點（點解會揀佢？）：

🌟 顏值最高，最搶眼：款式花樣最多，圓形、方形、蛋形、不規則設計… 鍾意型格、復古、設計感強嘅客首選，即刻成為浴室焦點。

🔧 安裝維修超簡單：因為就咁放上檯面再用玻璃膠固定，萬一唔小心整爛咗，更換好方便，唔使成個浴室櫃拆咗佢。

  • 缺點（要諗清楚乜嘢？）：

🧹 難清潔！難清潔！難清潔！：最重要講三次！個盆同檯面接駁嘅邊位有條「玻璃膠罅」，好易積水同發霉變黑，要成日打理。

🚿 用水唔就手：因為個盆身較高，洗面時水好易濺出檯面，搞到周圍濕晒。

空間感：個盆突出嚟，視覺上會覺得個檯面細咗。

👉 適合邊啲人？

「顏值控」、鍾意經常轉換風格、唔怕經常清潔嘅用家。

 

檯下盆（又稱「台下盆」）

  • 點樣裝？ 個洗手盆嵌喺浴室櫃檯面之下，用金屬夾同膠固定，睇落好似同檯面融為一體。
  • 優點（點解會揀佢？）：

🧹 容易清潔！：最大賣點！檯面嘅水漬、泡沫，用手一撥就直接掃入個盆度，檯面一抹就乾淨，冇乜清潔死角。

💧 慳位又就手：因為盆身隱藏，視覺上檯面更寬敞。檯面可以擺多少少護膚品之類，用水時亦冇咁易濺出。

簡潔大方：整體線條乾淨利落，適合簡約、現代風嘅浴室設計。

  • 缺點（要諗清楚乜嘢？）：

🔧 安裝複雜，維修極麻煩：萬一個盆裂咗或者老化漏水，好大機會要成個浴室櫃拆咗先換到，工程大好多。

款式較少：外形通常都係比較簡單嘅橢圓形或者方形，冇台上盆咁多花款。

👉 適合邊啲人？

「實用派」、追求極致方便打理、鍾意簡潔風格嘅用家（特別係繁忙嘅上班族同家庭）。